01
Dogna disgazia no beni pò mali
destinu fatali d'anta raccontai
su babbu e su fillu impari in su spidali
senz'e si connosci pò si fueddai
portanta in'is venas sanguni oguali
su babbu no manca de du domadai
de y cussa bidda connosci sa tali?
amigu notizia mi ndi scis donai?
di deppu a y cussa peccau mortali
em'a boli accudì in vida a du pagai.
02
In vida a du pagai si esistid'ancora
siada in sa bidda o bivendi in Casteddu
si èsti e connoscisi custa Signora
donamì risposta caru giovoneddu
èsti nù fueddu solu chi domandu
e si sanu bandu in circa de da biri
em'a boli xiri coment'ad'à y stai.
03
Coment'ad'à y stai fustetti chin'èi
si occupa tanti de y custa persona
chi bolidi intendi risposta de mei
spieghimì prima beni s'arrescioni
cun ver'attenzioni su babbu è scurtendi
su fillu è narendi in bidda è mischina
cund'una rovina de no supportài.
04
De no supportai cuntentu ti biu
amigu stimau comenti ti sonnasa
mancu ti du nau tottu su chi xiu
cun cussus fueddus sa morti di donasa
su coru mi stronasa prenu de rimorsu
solamenti a s'ossu lompi sa ferida
po cantu èsti in vida bandu a da circai.
05
Bandad'a circai nerimì e poita
ixiu ca crasi benid'a innoi
d'ada biri trista che una Santa Rita
fazzausu silenziu iziu pò imoi
po sa dì di oi non d'arrescioneusu
a crasi aspetteusu tanti deppi benni
tempus eis'a tenni de si palesai. (pasiai?)
06
Po si palesai tengu cuntentesa
de prusu de un'annu mi pari sa notti
si no mi perdona custa grand'offesa
cun sa manu mia mi dongu sa morti
si no tengu sorti di essi perdonau
e si seu privau de su chi propongu
sa morti mi dongu tottu pò ammendài
07
Tottu pò ammendài a cras'amengianu
nottesta si dorma cun bonu riposu
fazza preghiera a Santu Soberanu
o canc'unu Santu chi è miracolosu
no siad'afannosu e tengada speranza
e de sa mancanza tenga su perdonu
de su coru bonu no torrid'abbusai.
08
No torru abbusai rendia d'àpu vittima
mi parid'e biri sa mia creatura
ita d'hanta nai senza de legittima
candu penzu cussu mi poni paura
de sa sepoltura mi oberi sa tumba
ca sa mia columba bivid'affriggia
su camb'e s'olia dolem'a incontrai.
|
09
Ada incontrai su cambu e su fruttu
imoi ch'esti obresciu nd'arrescionu circu
de risolvi tottu lompiu è su minutu
cussa chi è benendi è sa chi aspettamu
chi nd'arrescionamu finas'ariseru
cun s'anima speru no s'ada cunfundi
e chi ad'arrespundi senz'e si negai.
10
Non s'ada negai bènia è sa mamma
s'imprassa su fillu movia di affettu
tend'una boxi tottu calma calma
da biu tremendi appoggiad'a su lettu
mi biu custrettu di nau o Teresa
sa Tua puresa prena de innocenzia,
teni passienzia m'asa perdonai.
11
T'àppa perdonai Tui ses Peppinu
itt'e su chi às tentu no t'hapu conotu
custa è una grazia de Sant'Antoninu
ses'a su costau de fillu Tuu e tottu
Ti creemu mortu Ti creemu lontanu
toccamì sa manu chi non ses'ingrattu
ita t'hapu fattu pò m'abbandonai.
12
De t'abbandonai nisciunu motivu
esti una serpenti sa chi sad'offendiu
tant'annus de Tui ndì seu stau privu
no diam'essi fattu i si d'emù cumprendiu
su fueddu spendiu speru de gumpriri
poi de sunfriri o amabili sposa
si ses piedosa tind'asa penai.
13
Mind'asa penai mi prangi su coru
scis ca fillu nostu è casi sordau
d'hapu tentu sempiri prus caru de s'oru
ma no d'hapu poziu poni sangunau
no ses'ostinau ispettad'a Tui
soli senz'e nui no oscura su xelu
de y custu velu po si liberai.
14
Po si liberai sa manera fazzu
cantu su prus prestu Teresa Ti sposu
fillu miu giustu t'adoru e T'abrazzu
torri s'allegria consolid'a nosu
po nudda riposu penzendi mi ferisi
giai chi mi oberisi ancora sa stima
de su fattu prima po Ti ndi gosai.
15
De mi ndi gosai candu feimu trista
fendi preghiera a sa vergini Santa
ingrata tristura da tenemu a vista
i mius'e tottu e y mi maltrattanta
candu mi narànta fueddu seccanti
mi calanta tanti lagrimas buddiasa
sòrrisi e ziasa mali a mi trattai.
16 e ultima
Mali Ti trattai is proprius Tuusu
speru chi sa pena siad'acabada
babbu a fillu nostu no neranta prusu
ca de oi sa cosa è giai sistemada
è giai intestada tottu sa ricchesa
bramada giustesa è biendi lusci
sa pesanti grusci sest'alleggeria
sa bon'allegria torra di o'cannu
cun su fillu mannu pren'e cuntentesa
Antoni e Teresa cun mei a gosai.
Autore:
|
"SU BABBU E SU FILLU"